Səudiyyə Ərəbistanı XİN rəhbəri ilə mətbuat konfransındakı insidentə görə İran XİN-in Protokol rəisi vəzifəsindən uzaqlaşdırılıb...
Xomeyni və Qasım Süleymaninin fotosuna görə İran və Səudiyyə Ərəbistanı xarici işlər nazirlərinin mətbuat konfransı zalının dəyişdirilməsindən iki həftə sonra Xarici İşlər Nazirliyinin Protokol Baş İdarəsinin rəisi vəzifəsindən uzaqlaşdırılıb.
APA xəbər verir ki, İran Xarici İşlər Nazirliyinin məlumatına görə, Mehdi Henardust Protokol Baş İdarəsinin rəisi vəzifəsindən azad edilib. Bu vəzifəyə Möhsün Murtezaifar təyin edilib.
İran XİN-in Protokol Baş İdarəsinin yeni rəisi əvvəllər İstanbul, Frankfurt və Ciddədə baş konsul vəzifələrində çalışıb.
Qeyd edək ki, iyunun 17-də İrana səfər edən Səudiyyə Ərəbistanının xarici işlər naziri Feysəl bin Fərhan Xomeyni və Qasım Süleymaninin fotoları olan zalda mətbuat konfransı keçirməkdən imtina edib və İran tərəfi mətbuat konfransının yerini dəyişməyə məcbur olub. XİN sözçüsü Nasir Kənani dərhal bəyanat yayaraq konfransın yerinin dəyişdirilməsinə texniki problemlərin səbəb olduğunu bildirib.
Poliqon.info
Digərxəbərlər
Populyar xəbərlər
